#يقولوا لي نسي حبك
كلمات:
ل #الأمير #صالح_مهدي
لحن:
ل #الأمير #محسن_أحمد_مهدي
غناء:
ل #أحمد_يوسف
يقولوا لي نسي حبك وليه تجري وراه
تناسى الحب من قلبـك ودوّر لكْ سواهْ
وكيف انساه وانا رِيْـده / وقلبي ملك في ايــدهْ
أنا مُـدمن على حـبـه وقلبـي ذي يبـاهْ
* * *
عرفته والهوى جــاهل ربينا في حماه
سقــاني دمعه السائل وانا دمعي سقاه
أنا لا شيء من دونهْ / ملكني سحرْ في عيونه
بغمزة قـــد أسَـرْ قلبي وقلبي ما نساه
* * *
هوانا في الدماء يجري ودمّي من دماهْ
أنا عمره وهو عمري وزاد روحي معاه
حبيبي كيـــف باسيبه / وغيره ليـــه باجيبهْ
وانا بعته هــوى قلبي وهو منّي اشتراه
* * *
حبيبي لو يجـــافيني أنا باحمــلْ جفاه
مصيره يوم بيجيني وترجعْ لي الحياه
هــوانا قــد ربي معنا / ولا حـــاجة تفرّقنا
كلام الحاسد العــاذل ولا قول الوشاه
* * *
أنا راضي وهـو راضي ويكفيني رضاه
وأنت ليش يـا فـــاضي تشكّك في صفاه
أنا راضي بذا المحبوب / أنا حِبّهْ ولا باتـوبْ
إذا قلبي اشتكى وَجْــدَهْ أنا عنـدي دواهْ
ليست هناك تعليقات:
إرسال تعليق