بدأنا بالكﻻم الهلس لعذب
على حسب الحروف اﻷبجدية
ومن كذب كﻻم الصدق جرب
وقال الصدق والذمة برية
وزننا القملي والثور لشعب
وعاد القملي راجح وقية
وسينا من دجاجة مئة معصب
وشجرنا كلد لما قصية
ونجرنا قدح من عود عضرب
يسع مأتين كيلة يافعية
وطلعنا جمل الى عش جولب
وقلنا له تمشي لك شويه
وبن عباس بوله شل محدب
وشل القادري والمدركية
ودخلنا اسد إلى جحر ارنب
تمشى في الجحور الملتوية
صنعنا باخره من جرو حبحب
بتبحر في البحور اﻷسيوية
وفصلنا خيم من ريش جندب
وخيمنا البواخر ذي رسية
وسينا مخدره في قاع معسب
وبيتنا بنلعب شوبلية
وجات السبهنة ترقص وتلعب
على اﻻنغام رقصة مغربية
وجاء النامسي يطعن وبجذب
طعن بالجنبية لما اوبيه
ونواري تبرع خط كهرب
ولصينا رصد والعسكرية
وسلكنا عدن وابين وحردب
وولدنا بحبه باترية
وعطرنا يهر من عطر مضرب
وعاده زاد بالمضرب شوية
وخررجنا خشب من عود عريب
خشب حمراء رواكبها قوية
ربطنا قاطرة ﻻ ذيل عقرب
طلع رهوة (ثرة)بالقابلية
وفخسوسي عمل طينه وشجب
ضمد بهمي مع عرسة سقية
وسافرنا على متن المذنب
ومرينا زحل والمشترية
وصدرنا وزف جاهز معلب
وﻻ جنبه مشك باقة طرية
وجدنا شجربي من بين شجرب
بيمشي في الطريق المستوية
محمل جونية سكر مهرّب
جزع فيها من الجمرك خفية
فتح داره لنا سهّل ورحّب
عزمنا كلنا جمعة سوية
وضيفنا على حلوى محبب
مع قهوة محوج يافعية
وباشحره عزم للبيت ثعلب
وقدم له عشاء حب الغلية
ولكن باثعيله رد مغلب
سكب له عالصفأ مغرف صعييه
مسكنا سلحفة في باب مندب
وهيه تمشي على الساحل بطيية
حلبنا منها خمسين محلب
لبن والسمن قربة ممتلية
خرجنا فيل من حفرة بمنطب
خرج وانذر على نفسه فديية
حشجنا القارة النصبأ بمصرب
وسيناها جعل سيع الحلية
وحصلنا بسم مدقن مشننب
يعالج زوجته في الصيدلية
لها شهرين ﻻتاكل وتشرب
ومحتاجة اشعة مقطعية
وشفنا فأر سرواله مقطب
من اللعبه ومن كثر الحبيية
وباوحران سي نفسه مؤدب
بيتركع وعينه عاالصبية
وهيه تلبس لباس اخضر مطيب
وصل عاده من المهجر هدية
خطبها باقبيع القزم لجرب
وقدهيه رافضة ماشي رضية
رجع للبيت وتشنج وعصصب
ويتفررع ويركيهم ركييه
عمل مسراح للجربة وخررب
وناول للوساطة بندقية
طلب بيتين له من كل مكتب
وبن سبعه بجنبه بن عطية
وجينا كلنا سادة ومنصب
وراجعنا وحلينا القضية
حكمنا له ثني بن شاه مكسب
وتعشيرة بطلقة مدفعية
واقنعناه قلناله تجنب
مشاكل ذا الزمن ماهيه دليه
طلع صنعاء يتابع عل المرتب
ويرجع للوضيفة اﻻولية
وعادوه للعمل واعطوه منصب
قيادي في اللواء قائد سرية
وحصل باجئاشة قد تدرب
قد اترقم وطلع له هويية
وفسيع عيينه حارس مقررب
من الباكر معه لما عشية
كفا لما هنا يالفوج لزيب
بحور الشعر موجاته عتيه
ليست هناك تعليقات:
إرسال تعليق