يقول الجابري مديت يدي
ولكن يد معروفي قصيرة
كفت يده على عينه وقفا
كأنه مقتنع حقق مصيرة
وناحبيت من قلبي وروحي
وشل الصيره هي والكبيرة
ولو واحد سالني عن حبيبي
ورب العرش ماحبيت غيره
مهاري الناس لاحد يتبعها
مهاري الناس جابوها كثيرة
ودي بيفك أذنه للمهاري
يخلي الحالية ترجع مريرة
انا اتنويت بتعدى لصالح
ولكن كل حد رده ضميرة
يخليني في التسعين تايه
كأني سير ماعندي بصيره
يقول الحابري ضيعت عقلي
كأني ضعت في بحر الجزيره
وضاعت كلها الافكار مني
وضيعت العلم من حيد صيرة
سرى بالله ياسالم حبيبي
معك مصراح ولا في نشيرة
انا قلبي مشررع للحبايب
مثيل النوب لا شرع لميره
يقول الجابري ياشوق قلبي
بسعدي شلها جريه وسيره
وشوقي عندما بذكر بلادي
دموعي في عيوني مستديرة
بلادي يابلادي عز ليه
بلاد الانس دي فيها الخضيرة
ولاحنت حمام الدور فيها
تجيب الحابري من غير ديره
انا قصدي من البستان حبه
ومول الخير ماشي بيت خيره
حبه شكلها في الحيط ثاني
لا صيره ولا قول لك كبيره
ليست هناك تعليقات:
إرسال تعليق